Talash

Apni manjil ki talash me , chalta chala jaata hoo
kabhi aage chala jaata hoo, toh kabhi pichhe chala jata hoo..

aisa bhi aksar hota hai, jab manjil se ek kadam pichhe hota hoo
kadam ladkhada jaate hain , me pichhe chala jaata hoo..

kai baar yun bhi hota hai, jab me manjil par hota hoo
koi ishara aage kar deta hai, me aage chala jaataa hoo...

kai baar aisa bhi hota hai, jub manjil mil jaati hai
khwab toot jaata hai, me uthkar chala jaata hoo..

Aisa bhi hota hai jab, lagta hai karoo khuda par etbaar
manjil ko paane ke liye, uske dar par chala jaata hoo..

ise paane ki khatir, kabhi khud ki najron se gir gaya
manjil toh na mil paayi, par ab bhi chala jaata hoo...

[Self written]